طلبات الشباب و البنات لا تفوتكم يا صبايا

فى يوم من الايام خطر ببالى سؤال سألته للشباب و البنات و هو اي

مواصفات فتاة احلامك و اية مواصفات فتى احلامك؟؟
كل واحد و كل واحدة جاوبوا بطريقة مختلفة
الشباب :
واحد قال تكون محترمة و متدينة و طيبة و بنت ناس و ....،
والتانى قال تكون بنت ناس و على خلق و مطيعة و جميلة
والتالت قال مش مهم الجمال اوى بس تكون محترمة و متدينة و بتسمع الكلام ،

بس اللى لفت نظرى فى اجباتهم رغم اختلافها الا انهم كلهم قالوا حاجة مشتركة و هى ان البنت تستحملنى و لما سألت يعنى اية تستحملك قال يعنى تصبر عليا و تعرف ان ظروفى على قدى

دول الشباب طب و البنات
البنات برضو اجابتهم اختلفت من واحدة لاخرى
فى بنت قالت:يكون ابن ناس و متدين و طيب
وبنت قالت يكون عنده شقة حلوة و ابن ناس و طيب و يعملنى كويس
و بنت قالت يكون عندة عربية اهم من اى حاجة حتى اهم من الشقة و متدين ويكون وسيم و غنى
بصراحة طلبات البنات كانت اكتر بكتير من طلبات الشباب
و اللى لفت نظرى فى اجبات البنات غير كترة طلابتهم الا ان فى اجابة واحدة اشتركوا فيها كلهم ان الشاب يكون حنين و لما سألت ازاى قالوا يعنى الشاب يكون حنين فى تصرفاتة و حنين عليا يحسيسنى بالامان
برأيك هل اقتنعتي بهذه الاجابات ؟ هل هذه فعلا طلبات الشباب و البنات؟